Pasar al contenido principal

Noticias

  • A Xunta presenta o Xacobeo 21 ante o tecido empresarial galego como unha grande oportunidade
    Froito da actividade relacionada cos itinerarios xacobeos, Galicia conta hoxe cunha importante industria turística que supón o 10,4% do noso Produto Interior Bruto e ao redor do 11% dos postos de traballo. Nesta liña, estudos de diversas entidades públicas e privadas, estiman que o PIB de Galicia pode crecer entre cinco e seis décimas durante un ano Xacobeo, e consolidarse un crecemento de 1,5 décimas para os anos posteriores. Estes mesmos estudos reflexan que o número de turistas que visitan a nosa Comunidade tende a incrementarse en máis de un millón, dos cales a metade consolidaríanse permanentemente nos anos posteriores.
  • O Pop Up Galicia, Saberes e Sabores regresa a Madrid esta Semana Santa para presentar o mellor da artesanía e a gastronomía da comunidade
    A Fundación Artesanía de Galicia, organiza esta Semana Santa en Madrid a terceira edición da tenda pop up Galicia, Saberes e Sabores, que se celebrará no Palacio de Santa Bárbara (Hortaleza, 87) entre o 12 e o 21 de abril. Na iniciativa poderase tocar e saborear a esencia de Galicia grazas á presenza de nove profesionais de Artesanía de Galicia, así como de dez expositores de produtos gastrónomicos. Ademais, haberá un espazo de exposición e venda de pezas artesanais elaboradas por arredor de 50 talleres artesáns galegos. Como en anteriores edicións, a programación completarase con actividades e talleres de gastronomía e artesanía gratuítos para familias.
  • Galicia centra a súa promoción internacional en Portugal, o mercado estranxeiro con máis viaxeiros
    O labor de promoción internacional da oferta turística galega céntrase estes días en Portugal, que, segundo o Instituto Nacional de Estatística (INE), é o primeiro mercado estranxeiro que achega máis viaxeiros á comunidade galega. De feito, a súa demanda turística medrou o ano pasado case un 7%. Así pois, a oferta turística galega está estes días en Lisboa, dentro da feira Mundo Abreu, un certame organizado polo operador turístico Viaxes Abreu no que participan os axentes da compañía e varios destinos turísticos convidados, entre eles Galicia. Galicia está presente cun recinto aberto ao público a través do que se difunde a súa oferta turística.
  • Seis empresas audiovisuais conforman a delegación galega no mercado MIPTV de Cannes
    O mercado MIPTV arranca hoxe na localidade francesa de Cannes, ata onde se desprazou unha delegación do audiovisual galego baixo a marca Films from Galicia. As empresas CTV, DocsHub, Portocabo, Somadrome, Treeline Distribution e Voz Audiovisual participan nesta misión institucional e comercial á que é a meirande feira mundial para a comercialización de todo tipo de formatos, programas e contidos dixitais para televisión. Como en anos anteriores, o punto de encontro da delegación galega en MIPTV é o espazo da marca Films from Galicia dentro do pavillón español, organizado polo ICEX España Exportación e Inversiones en coordinación cunha trintena de empresas e entidades de ámbito autonómico e estatal.
  • A Ribeira Sacra, declarada por unanimidade candidata de España a Patrimonio Mundial da UNESCO
    A Ribeira Sacra foi elixida hoxe candidata de España para Patrimonio Mundial da UNESCO. Así o ditaminou por unanimidade o Consello de Patrimonio Histórico, reunido no mosteiro de Santo Estevo de Ribas do Sil (Nogueira de Ramuín). A Ribeira Sacra abrangue 22 concellos das provincias de Ourense e Lugo, entre os vales do Sil e o Miño. Reúne un conxunto de cenobios, mosteiros, igrexas, capelas e cruceiros que, pola súa variedade e densidade, configuran un espazo cultural único en todo o mundo, destaca o Consello de Patrimonio Histórico. A candidatura española será presentada ante o organismo internacional en febreiro de 2020 e a inclusión resolverase en 2021.
  • Comeza o Consejo de Patrimonio Histórico que tratará a candidatura da Ribeira Sacra á Lista do Patrimonio Mundial da Unesco
    Este órgano entre a Administración do Estado e as Comunidades Autónomas ten como finalidade especial facilitar a comunicación e o intercambio de programas de actuación e información relativos ao Patrimonio Cultural Español e nel están representados todos os directores xerais con competencias en materia do patrimonio cultural das distintas autonomías españolas, xunto cos representantes do Ministerio de Cultura e Deporte. Hoxe celebrouse apertura deste Consejo que se celebra estes días no Mosteiro de Santo Estevo de Ribas de Sil. A orde do día inclúe a exposición dos aspectos técnicos da candidatura da Ribeira Sacra.
  • A Cidade da Cultura ensina o seu 'Gaiás segredo' con novas visitas á arquitectura, zonas verdes e espazos restrinxidos ao público
    A Cidade da Cultura pon en marcha a partir do 13 de abril un novo servizo de visitas comentadas, Gaiás segredo, que amosará a súa arquitectura e as súas zonas naturais dun xeito máis exhaustivo, á vez que terá un compoñente máis exclusivo, ao incorporar lugares habitualmente restrinxidos ao público como son a galería subterránea que comunica o complexo, as sobrecubertas dos edificios e os sofisticados depósitos bibliográficos. As visitas comentadas Gaiás segredo estarán activas todos os sábados do ano ás 11,30 horas e ampliaranse aos xoves e aos venres en Semana Santa e nos meses de xullo e agosto.
  • A demanda turística en Galicia durante o mes de febreiro sitúase no nivel máis alto dos últimos nove anos
    O Instituto Nacional de Estatística fixo públicos os datos turísticos relativos ao mes de febreiro que revelan que o aloxamento regrado da Comunidade galega rexistrou a demanda máis alta dos últimos nove anos. Con máis de 352.000 pernoitas acadáronse valores moi similares aos do Ano Santo 2010. Este é o segundo ano consecutivo no que se rexistra un crecemento da demanda turística en febreiro, contabilizándose en total preto de 3.600 noites máis que no mesmo mes de 2018. As estatísticas indican que estes datos son froito do bo comportamento nos establecementos hoteleiros, que foron os preferidos polos viaxeiros no mes de febreiro.
  • O Banco de España confirma que en 2018 Galicia seguiu a reducir o seu endebedamento
    O Banco de España vén de confirmar que en 2018 Galicia logrou baixar o seu endebedamento público por segundo ano consecutivo, ao situar a ratio de débeda/PIB no 18,0% ao peche do cuarto trimestre do ano, 6,3 puntos por debaixo da media autonómica. Galicia remata o exercicio 2018 como a terceira comunidade autónoma con menor ratio de débeda de toda España –a quinta incluíndo as de réxime foral-, só por detrás de Madrid e Canarias. Ao finalizar o cuarto trimestre do ano, a ratio de débeda/PIB de Galicia situouse catro décimas por debaixo da rexistrada no mesmo período do ano anterior (18,4%) e tres décimas por debaixo da rexistrada no terceiro trimestre.
  • O sector da automoción galega pecha 2018 cun balance positivo, que afianza as expectativas do sector de cara á unha maior produtividade, innovación e mercado exterior
    A automoción galega pechou o ano 2018 con balance, cunha conta de resultados que afianza as expectativas do sector de cara á unha maior produtividade, innovación e mercado exterior. Este sector, que conforman 130 empresas integradas no Clúster de Empresas da Automoción (CEAGA), dá emprego a máis de 22.000 persoas, e representa unha cuarta parte das exportacións galegas. A planta de PSA en Vigo sigue sendo unha das máis produtivas de España, das máis innovadoras do grupo e sigue avanzando no coche do futuro. Sigue crecendo tamén a canteira de empresas que conforman toda a industria auxiliar, de xeito que este sector continúa sendo decisivo no ránking exportador da Comunidade.