Notas
-
O catedrático da USC na EPS de Enxeñaría e vicepresidente da división de froitos secos da Sociedade Internacional de Ciencias Hortícolas (ISHS), Santiago Pereira, coordina o congreso que reunirá en Lugo investigadores de todo o mundo do 26 ao 29 de xuño. -
A proxeria, tamén coñecida como síndrome de Hutchinson-Gilford, é un trastorno xenético progresivo, extremadamente raro, que acelera o envellecemento dos nenos e que comeza nos primeiros dous anos de vida. Un equipo do Centro Singular de Investigación en Medicina Molecular e Enfermidades Crónicas da USC (CiMUS), liderado por Ricardo Villa Bellosta, acaba de obter financiamento para investigar durante dous anos esta rara enfermidade. -
A creación de cápsulas capaces de liberar células CAR-T en tumores sólidos, para destruílos de forma efectiva, permitirá crear alternativas máis eficientes na loita contra o cancro grazas ao proxecto CARTsol. A terapia con células CAR-T constitúe unha nova forma de abordar o tratamento contra o cancro. -
A misión espacial BIXO é un dos seis proxectos seleccionados para participar no programa Fly Your Satellite! Design Booster Pilot da Axencia Espacial Europea, o que supón que este equipo, composto por preto de 40 estudantes de diferentes titulacións da UVigo, vai contar co apoio de especialistas do máximo nivel durante o desenvolvemento da misión, así como con toda a experiencia e as facilidades das que dispón a axencia. -
Nove universidades europeas, entre elas a Universidade da Coruña, uníronse na alianza estratéxica EMERGE (European Margins Engaging for Regional and Global Empowerment), que sitúa á UDC nun nivel superior de calidade europea. O reitor, Julio Abalde, subscribiu o acordo de creación desta alianza nunha reunión organizada en días pasados na University of Limerick. -
Garantir que a misión espacial BIXO (Bacteriological Intercommunication eXperiment in Orbit), impulsada por UVigo SpaceLab, cumpre con todos os requisitos aplicables ao desenvolvemento de proxectos espaciais europeos para poder iniciar a creación de modelos para o seu testeo e a súa posterior fabricación. Na revisión do proxecto participaron empresas de distintos sectores, entre elas tres das que patrocinan a misión. -
O CITIC da UDC vén de presentar os resultados de dous proxectos de investigación con base na Intelixencia Artificial para loitar contra o impacto na saúde da COVID-19: O programa Ciencia e enxeñaría de datos para avaliación, predición poboacional e personalizada da evolución da enfermidade (CEDCOVID); e do que estuda a predición da estrutura de proteínas de SARS-CoV-2. -
'O estudo dos glóbulos vermellos de pacientes con cancro de mama pode predicir o avance da enfermidade', así o afirma a investigadora do Instituto de Investigación Sanitaria de Santiago de Compostela (IDIS) Clotide Costa, integrado pola USC e polo SERGAS, nun estudo publicado na revista Molecular and Cellular proteomics. Neste traballo descríbese por primeira vez que os glóbulos vermellos de pacientes con cancro de mama son diferentes aos de persoas sen a enfermidade. -
O escaparate mundial das últimas tendencias en automatización e robótica sitúase esta semana no campus de Vigo, nas VIII Jornadas sobre tecnologías y soluciones para la automatización industrial JAI’2022, un evento que volve a presencialidade e faino con cifras récord: máis de 2000 persoas rexistradas, 125 empresas participantes e preto de medio cento de conferencias. -
O proxecto BIXO de UVigo SpaceLab segue a colleitar recoñecementos internacionais. Logo da súa selección en setembro pola Academia chinesa de tecnoloxía de vehículos de lanzamento para ser enviada ao espazo en 2024, o proxecto pasou a primeira ronda do programa Fly Your Satellite! Design Booster Pilot da Axencia Espacial Europea.
