Notas
-
Tras dúas semanas de deliberación, o xurado profesional do AI Song Contest, a Eurovisión das cancións escritas por intelixencia artificial, decidiu que a canción galega AI-LALELO competirá na final do concurso o próximo 6 de xullo en Bélxica. O tema impulsado por un equipo de Galicia competirá xunto a outras 14 cancións de países como Países Baixos, China, Tailandia, Reino Unido, Suecia, EEUU, Corea do Sul, Francia e Alemaña. -
40 especialistas Internacionais na loita contra o cibercrime e o terrorismo na rede participan esta semana na Escola de Enxeñaría de Telecomunicación na reunión anual de Uncover, un proxecto europeo financiado polo programa Horizonte 2020 con 7 millóns de euros dirixido a mellorar as técnicas de análise forense en todo o que ten que ver coa detección de mensaxes e datos ocultos enviados por criminais e terroristas en calquera tipo de documento dixital multimedia. -
A Universidade de Santiago de Compostela (USC) mantense entre as universidades españolas con mellor taxa de rendemento nos eidos da investigación e transferencia de coñecemento, no que atinxe a concesións de patentes, ingresos por licencias, publicacións internacionais con elevado nivel de citacións e publicacións con empresas, así como en captación e liquidación de fondos. -
Este luns tivo lugar a presentación da terceira publicación de datos de Gaia, misión espacial da Axencia Espacial Europea (ESA) cuxo obxectivo principal é medir cunha precisión sen precedentes a posición, os movementos e as propiedades das estrelas da Vía Láctea, creando un mapa multidimensional de case dous mil millóns de estrelas. -
O congreso internacional promovido polas tres redes europeas de asesoramento rural (IALB, Eufras e Seasn) xunto coa USC converterá a cidade de Lugo en capital europeo de extensión rural e da planificación agraria do 21 ao 25 de xuño, período durante o que participarán máis de 200 asesores rurais, investigadores e responsables de administracións agrarias de 30 países europeos. -
Investigadoras da área de Antrolopoloxía Social e Cultural da USC na Facultade de Humanidades sitúan a cidade de Lugo e, nomeadamente, a súa muralla romana declarada Patrimonio da Humanidade por parte da Unesco hai xa máis de dúas décadas, como referente para outras cidades europeas que aspiran a acadar un recoñecemento semellante por parte da Unesco para as súas murallas tardorromanas. -
Por que algunhas especies viven nunha parte determinada da Terra e non en outra? Débese a que as condicións non son axeitadas para vivir alí ou porque non foron quen de chegar? Unha investigación liderada pola USC, e na que participan a UVigo, o Museo Nacional de Ciencias Naturales de Madrid e o Natural History Museum de Londres, achega luz a estas cuestións. -
A primeira asemblea xeral e o segundo encontro do comité de dirección do proxecto europeo NeoGiANT, coordinado pola USC, reuniu ao longo desta semana en León a medio cento de participantes. Os e as asistentes puideron debater os avances acadados no marco deste consorcio internacional que pretende desenvolver un conxunto de novos produtos para animais baseados en extractos naturais cos que diminuír o uso de antibióticos na cría e substituír os conservantes sintéticos. -
Un equipo investigador da USC acaba de publicar un estudo que abre unha nova vía inmuno-terapéutica na loita contra o cancro. O traballo internacional, liderado polo investigador principal do CiQUS Eddy Sotelo e Andreas Lundqvist do Karolinska Institutet de Suecia, conta ademais coa participación de persoal investigador do Centro Singular de Investigación en Medicina Molecular e Enfermidades Crónicas da USC (CiMUS) e da Facultade de Farmacia compostelá, e da Universidade sueca de Uppsala. -
A aposta da USC por alianzas estratéxicas que fomenten a innovación educativa consolídase coa implantación de catro novas titulacións que verán a luz o vindeiro curso. No marco do proxecto Universidade sem Fronteiras (UNISF), botarán a andar o mestrado universitario en Dereito Transnacional da Empresa e das Tecnoloxías Dixitais e o programa de doutoramento en Matemáticas e Aplicacións, coordinados os dous dende a institución compostelá.
