Pasar al contenido principal

Notas

  • Un modelo desenvolto parcialmente en Galicia revela o mecanismo da replicación dos axentes responsables das enfermidades das vacas tolas e os 'cervos zombis'
    O grupo do profesor Jesús Requena, xunto con investigadores da Universidade de Trento (Italia) acaba de presentar un modelo computacional que revela os mecanismos da replicación dos prións, os axentes responsables das enfermidades das ‘vacas tolas’ e os ‘cervos zombis’. O estudo representa un importante avance no coñecemento destes enigmáticos patóxenos que tamén afectan aos seres humanos.
  • Bruno Villamor impartirá obradoiros de música tradicional galega no prestixioso Lark Camp 2019 en California
    O gaiteiro lugués (con orixes ulloanas) Bruno Villamor impartirá obradoiros de música tradicional galega (especialidades de gaita galega, percusión tradicional, requinta e zanfona) no prestixioso Lark Camp 2019 no estado de California (USA). O Lark Camp botou a andar no ano 1980 co nome de Lark in the morning Music Celebration sempre tendo como sede o parque estatal Mendocino Woodlands, preto da vila costeira de Mendocino (California).
  • Boborás convida a unha viaxe no tempo recreando a batalla de 1809
    Máis dun cento de veciños de Boborás e outros participantes chegados de diferentes puntos da provincia de Ourense recrearán a vindeira fin de semana un dos acontecementos históricos máis importantes da provincia: a batalla de 1809, que enfrontou aos galegos liderados polo capitán Cachamuíña contra as tropas francesas de Napoleón. Os fitos históricos serán representados por voluntarios da mesma aldea, doutras parroquias do municipio e mesmo doutros concellos da provincia.
  • Presentada a sétima guía de estudos de paisaxe urbana, que aposta por crear espazos abertos ao mar e recuperar as fachadas litorais
    Presentouse a Guía de estudos de paisaxe urbana que aposta por crear espazos abertos ao mar e recuperar as fachadas litorais, símbolo e identidade dos concellos costeiros galegos. Trátase dun novo documento impulsado polo Instituto de Estudos do Territorio, para conservar e protexer o verde e azul identificativo e característico das paisaxes dos concellos de Galicia, é dicir, promove recuperar os elementos que reforzan a identidade do lugar.
  • Os Pendellos de Agolada reuniron a 9.000 persoas na gran festa da artesanía, a gastronomía e a música
    O Corazón da Artesanía, VIII Encontro da Artesanía Tradicional e Popular de Galicia, pechou onte as súas portas en Agolada despois dunha fin de semana na que converteu o recinto histórico-artístico dos Pendellos no epicentro dos oficios artesanais, da gastronomía e da música. Un total de 9.000 persoas acudiron ata Agolada para ver o traballo de 66 profesionais da artesanía, que representaban 27 oficios diferentes, así como visitar os 47 expositores de produtos gourmet.
  • O CeMAC 2019 analizará en Celanova as novas fronteiras do audiovisual galego
    A XVI edición do Curso de Medios Audiovisuais de Celanova, o CeMAC 2019, analizará as novas fronteiras do audiovisual galego do 9 ao 12 de xullo no Auditorio Municipal Ilduara de Celanova. O tema desta edición, 'Novas fronteiras do audiovisual galego. Talento, industria e internacionalización', supón unha nova achega na liña temática iniciada hai dezaseis anos. Ao abeiro do curso, por décimo ano consecutivo, desenvolverase o Taller Audiovisual "Celanova, plató de ficción", baixo a dirección de Paulino Pérez.
  • 'Artesanía no prato' impulsará en Agolada a unión entre a alta cociña galega e as pezas artesanais
    O Corazón da Artesanía. VIII Encontro da Artesanía Tradicional e Popular de Galicia, que se organiza nos Pendellos de Agolada, na provincia de Pontevedra, entre o 5 e o 7 de xullo, inclúe un ano máis na súa programación a iniciativa 'Artesanía no Prato', un proxecto no que a Artesanía de Galicia se une coa cociña galega máis vangardista a través de demostracións gastronómicas de prestixiosos chefs galegos.
  • A Torre de Hércules será unha gran pantalla para o espectáculo audiovisual exclusivo 'Luz e Son de Hércules' o 29 de xuño
    Só poderá admirarse o sábado, 29 de xuño e coa Torre de Hércules como escenario privilexiado. Baixo o nome Luz e Son de Hércules as paredes do monumento servirán de gran pantalla de 36 metros de alto para o espectáculo audiovisual exclusivo que se celebrará como remate do programa do X Aniversario do monumento como Patrimonio da Humanidade, nunha iniciativa organizada polo Consorcio de Turismo e Congresos da Coruña.
  • Pontedeume acolle este sábado a III edición da feira 'Primavera no Camiño Inglés'
    Pontedeume acollerá este sábado 22 de xuño a terceira edición da feira “Primavera no Camiño Inglés”, que volverá a reunir aos dezaoito concellos polos que discorre este itinerario xacobeo nun gran evento organizado pola Deputación da Coruña co obxectivo de promocionar os múltiples atractivos etnográficos, culturais, naturais e gastronómicos desta ruta, que conecta Ferrol e A Coruña con Santiago de Compostela.
  • O Parque Natural do Xurés actuará como laboratorio aberto para un proxecto europeo que estuda o impacto do clima no patrimonio
    O proxecto xorde como resposta ao feito de que, nas últimas décadas, o patrimonio está a verse afectado por un número crecente de ameazas relacionadas co clima o que plantea novos desafíos para os responsables da súa conservación e xestión. O obxectivo de Shelter é lograr desenvolver un sistema baseado en datos científicos e na alianza e colaboración dos axentes implicados.