Pasar al contenido principal

Notas

  • Presentado o proxecto Tutatis, que nace co obxectivo de xerar enerxía 100% renovable e sustentable nas Illas Cíes e Ons
    Presentouse hoxe o proxecto Tutatis nZE – near Zero Emission, que pretende lograr a autosuficiencia enerxética nas Illas Cíes e Ons mediante a xeración de enerxía 100% renovable, co fin de que ambas illas avancen cara as cero emisións. O proxecto, impulsado polo Porto de Vigo, pretende crear un sistema sostible de aproveitamento dos recursos naturais, integrado na contorna e capaz de cubrir a demanda de enerxía e de auga de Cíes e de Ons.
  • O evento de innovación Maker Faire Galicia chega á súa quinta edición
    A nova edición da Maker Faire Galicia ven con dúas novidades: celebrarase a principios do verán e, debido ao éxito das anteriores, pasará de 3 a 5 días de duración, ampliando as xornadas profesionais de unha a tres xornadas. A Maker Faire é a maior feira de inventores do mundo, un escaparate para a creatividade e o enxeño, pensado para tódolos públicos e disciplinas: gastronomía, robótica, mecánica, ciencia, arte urbana, música, electrónica, artesanía, etc.
  • A USC repite entre as mellores universidades do mundo do ránking Leiden de produción científica
    A partir da análise dos datos bibliográficos de produción científica contidos en Web of Science, o ránking Leiden mantén un ano máis á USC entre as mil mellores universidades do mundo. A institución ascende á posición 446 da listaxe xeral, posicionándose como a 153 entre as mellores de Europa e a décimo terceira das españolas. A clasificación inclúe 963 universidades de 56 países que “teñen en común un alto grao de intensidade de investigación”.
  • A Deputación da Coruña aprobará o Plan de Igualdade despois dun proceso participativo e elaboración de diagnose
    Despois de ano e medio de traballo e coa participación de máis de 2.000 persoas, 'Compartimos Plan' ofrece unha diagnose para a detección de necesidades, unha guía de recursos existentes na materia nos distintos concellos, unha guía de boas prácticas e tamén o plan de acción pola igualdade de xénero. O proxecto desenvolveuse cunha metodoloxía participativa, dinámica e colaborativa que tivo tamén como obxectivo a sensibilización e concienciación.
  • O Lugo máis inédito amósase en Expovacaciones, o encontro internacional coa maior oferta turística do norte do Estado
    A Feira Expovacaciones amosa alternativas innovadoras e as tendencias máis interesantes en rutas e destinos turísticos nacionais e internacionais, así como innovadoras alternativas de ocio e tempo libre. Este ano, como novidade a feira incorpora un novo concepto baseado no deporte, a gastronomía e a aventura para que os viaxeiros poidan elixir destinos segundo as actividades, excelencias gastronómicas do territorio ou nas vivencias descoñecidas.
  • A romaría etnográfica Raigame dedica a súa XVIII edición ás feiras e ao gando
    A XVIII romaría etnográfica "Raigame" dedica esta edición ás feiras ao longo dos séculos XIX e XX e ao gando, e contará como novidade coa representación dunha feira de gando e coa mostra de exemplares das diferentes razas autóctonas gandeiras, así como demostracións dos traballos que realizaban. As rúas de Vilanova, un ano máis punto de encontro da etnografía galega, encheranse un ano máis de oficios tradicionais e cultura popular.
  • O comercio galego celebrará do 13 ao 26 de maio unha nova edición dos 'Días azuis' para dinamizar a súa actividade
    Presentouse en Santiago de Compostela a segunda edición da campaña Días azuis do comercio galego, que se celebrará do 13 ao 26 de maio co obxectivo de dinamizar o comercio de proximidade. Durante estas dúas semanas o obxectivo da campaña é visibilizar os establecementos que están a pé de rúa e dinamizar o comercio de proximidade. Os clientes dos comercios que realicen as súas compras entre estas dúas datas deberán rexistrar o seu tícket en www.diasazuis.com, ou ben solicitar que a rexistre o propio comerciante.
  • Un total de 44 empresas vinícolas galegas están presentes na X edición da Feira Nacional do Viño
    A Feira Nacional do Viño celebra a súa X edición coa previsión de acadar máis de 7.013 reunións. Este ano acreditáronse algo máis de 19.000 compradores, dos que case 14.000 son nacionais, uns 3.000 internacionais e 2.000 profesionais do viño en xeral. Ademais, rexistráronse algo máis de 3.000 expositores, aínda que no conxunto da feira estarán presentes máis de 25.500 persoas e preto de 2.000 adegas. Das 44 empresas, 25 pertencen á DO Rías Baixas, 9 ao Ribeiro, 6 á Ribeira Sacra e 4 á Valdeorras.
  • Agrobiotech impulsará a innovación en 12 pemes galegas dos sectores agroalimentario, biotecnolóxico e biomasa
    Nesta terceira edición, participarán doce pemes innovadoras das 4 provincias galegas: 5 da provincia da Coruña -Dairylac, Orballo Innovaciones Forestales, Software 4 Science Developments, NasasBiotech e Celtalga Extract-; 3 de Lugo -Laboratorio CIFGA, Applied Mass Spectrometry Laboratory (AMSlab) e TasteLab-; 1 de Ourense -Mosquera Villavidal-; e 3 de Pontevedra -Hifas da Terra, Horticultura Hidropónica e Ibérica de Esponjas Vegetales-.
  • A convocatoria da novena edición do encontro de artistas novos apoiará a 40 creadores emerxentes
    O Gaiás vén de convocar unha nova edición o seu Encontro de Artistas Novos (EAN) que, co obxectivo de apoiar a arte emerxente e promover a creación contemporánea, ofrece a novos e novas creadoras a oportunidade de participar nunha estancia de catro días no complexo da Cidade da Cultura. Así, un total de corenta artistas emerxentes serán seleccionados para presentar no Gaiás o seu proxecto creativo.