Pasar al contenido principal

A Xunta participa no desenvolvemento dun corredor tecnolóxico transfronteirizo de mobilidade de hidróxeno renovable

  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 2 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 3 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.term_data' doesn't exist query: SELECT t.tid, t.*, parent FROM web68db1.term_data t INNER JOIN web68db1.term_hierarchy h ON t.tid = h.tid WHERE t.vid = 0 ORDER BY weight, name in /home/www/web102/web/sites/nueva.escaparategallego.com/modules/hierarchical_select/modules/hs_taxonomy.module on line 803.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
O director xeral de Planificación Enerxética e Minas, Pablo Fernández Vila, participou esta mañá no acto divulgativo sobre o desenvolvemento dun corredor tecnolóxico transfronteirizo de mobilidade de hidróxeno renovable no que colabora o Goberno galego. O obxectivo desta iniciativa que leva por nome Hi MOV é o de impulsar en Galicia e Portugal unha cadea de valor arredor do hidróxeno verde. O acto tivo lugar nas instalacións do Cetmar en Vigo e serviu para que os socios do proxecto compartiran experiencias e propostas.

Durante a súa intervención, Fernández Vila incidiu na importancia de proxectos europeos como HI MOV que afonden no coñecemento das aplicacións do hidróxeno e fomenten a cooperación entre territorios. Por engadido, destacou que proxectos como este son esenciais ao impulsar a cadea de valor arredor da tecnoloxía, permitindo que Galicia siga a ser un referente na mobilidade de enerxías limpas.

O director xeral tamén puxo en valor a visión da Xunta sobre o proceso de transición enerxética e neutralidade tecnolóxica. Por unha banda, apuntou a unha transición gradual e planificada que non deixe a ninguén atrás. E, pola outra, se referiu a unha aposta que non debe pasar única e exclusivamente pola electrificación, xa que, aínda que xoga un papel fundamental, non pode impedir visualizar a importancia doutras tecnoloxías coma o biogás, o biometano ou o propio hidróxeno.

Nesta liña, amosou a relevancia dos proxectos de hidróxeno verde para o Goberno galego en diferentes eidos. Así, sinalou a participación da Consellería de Economía e Industria na liña de Fomento de Investigación desde a Demanda do Ministerio de Ciencia, Innovación e Universidades, que permitiu presentar un proxecto para a produción de hidróxeno verde a partir de auga de mar. Un proxecto que exemplifica os retos que establece a Xunta para ofrecer alternativas máis sustentables á hora de producir hidróxeno verde.

Ao tempo, Pablo Fernández Vila tamén subliñou que entre outros desafíos, o Goberno galego busca o impulso da cadea de valor da economía do hidróxeno verde e o desenvolvemento de tecnoloxía que permita impulsar procesos de produción máis eficientes, reducindo significativamente o consumo enerxético e a formación de residuos contaminantes.

Finalmente, Pablo Fernández Vila agradeceu a colaboración de todas as entidades que participan no proxecto. Ademais da coordinación do CTAG (Centro Tecnolóxico de Automoción de Galicia), están implicados outros tres centros tecnolóxicos como EnergyLab, PIEP e CEiiA e as universidades de Santiago de Compostela, Minho e Porto. Por engadido, tamén colaboran a GNP, a AECT, a empresa Petrotec e a Consellería de Economía e Industria a través do Inega (Instituto Enerxético de Galicia).
R.