Pasar al contenido principal

Comezan as mesas de traballo para abrir vías de colaboración e sinerxías entre membros da Alianza Galega polo Clima

  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 2 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 3 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.term_data' doesn't exist query: SELECT t.tid, t.*, parent FROM web68db1.term_data t INNER JOIN web68db1.term_hierarchy h ON t.tid = h.tid WHERE t.vid = 0 ORDER BY weight, name in /home/www/web102/web/sites/nueva.escaparategallego.com/modules/hierarchical_select/modules/hs_taxonomy.module on line 803.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
A Xunta organizará no primeiro trimestre deste ano varias mesas de traballo abertas á participación de todos os membros da Alianza galega polo clima co fin de sentar as bases para establecer novas vías de colaboración e sinerxías no eido da loita contra o cambio climático.

Durante o acto de adhesión á Alianza do Colexio de Enxeñeiros de Camiños, Canais e Portos, que se celebrou esta mañá na sede da propia entidade na Coruña, a vicepresidenta segunda e conselleira de Medio Ambiente, Territorio e Vivenda, Ángeles Vázquez, explicou que serán os primeiros encontros promovidos para favorecer o intercambio de experiencias, proxectos e iniciativas entre os aliados.

Ano e medio despois da posta en marcha da iniciativa, impulsada pola Xunta para fomentar a colaboración neste eido entre axentes sociais e económicos e sumar o maior número de apoios en Galicia á loita contra o quecemento global, Ángeles Vázquez incidiu en que chegou o momento de dar un paso máis e promover sinerxías entre os case 100 socios que suma xa nestes momentos para plasmar “en feitos” os compromisos climáticos asumidos no momento da súa adhesión.

A tal fin, a vicepresidenta segunda explicou que o Goberno galego ten previsto celebrar entre os meses de xaneiro e marzo tres mesas de traballo dirixidas ás empresas, entidades e institucións públicas e privadas integradas na Alianza.

Nestes encontros, que se retransmitirán en streaming para buscar a maior participación posible, abordaranse temas clave relacionadas coa materia como poden ser a economía circular, a descarbonización ou a conciencia ambiental de empresas e sociedade en xeral.

Acompañada polo delegado territorial da Xunta na Coruña, Gonzalo Trenor, Ángeles Vázquez aproveitou a súa intervención ante a directiva do Colexio de Enxeñeiros e unha ampla representación de profesionais do sector para felicitar á entidade polo paso dado.

Así, incidiu en que se trata do segundo colexio oficial que asina o memorando de adhesión á Alianza galega polo clima e destacou a importancia de que unha entidade que “representa a un colectivo profesional clave” para o desenvolvemento sustentable de Galicia se implique de forma activa na busca da colaboración público-privada para avanzar na loita contra o cambio climático e aumentar a resiliencia do territorio.

Na mesma liña, a vicepresidenta salientou o “compromiso” amosado polos enxeñeiros non só por sumarse ao “pacto” fronte ao quecemento global impulsado desde a Xunta, senón coa súa propia actividade profesional, destacando o importante papel que desempeñan na procura de solucións ambientais e medidas de adaptación que afectan a ámbitos tan importantes como a ordenación do territorio, o urbanismo, as obras públicas e as infraestruturas, así como outros servizos.
R.