Pasar al contenido principal

Galicia e Portugal apostan por intensificar este ano a cooperación transfronteiriza e a mobilidade académica na Eurorrexión Galicia-Norte de Portugal

  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 2 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 3 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.term_data' doesn't exist query: SELECT t.tid, t.*, parent FROM web68db1.term_data t INNER JOIN web68db1.term_hierarchy h ON t.tid = h.tid WHERE t.vid = 0 ORDER BY weight, name in /home/www/web102/web/sites/nueva.escaparategallego.com/modules/hierarchical_select/modules/hs_taxonomy.module on line 803.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
A directora xeral de Administración Local, Natalia Prieto, presidiu hoxe en Vigo a xuntanza da Asemblea e o Consello Superior da Agrupación Europea de Cooperación Territorial da Eurorrexión Galicia-Norte de Portugal na que se aprobou o plan de actividades para 2023. As principais liñas para este ano vanse centrar na intensificación da cooperación transfronteiriza de proximidade e na aposta pola mobilidade académica e as conexións ferroviarias.

Así, no eido da mobilidade académica vaise ampliar o programa Iacobus para investigadores e persoal administrativo das universidades, institutos politécnicos e centros tecnolóxicos da Eurorrexión con novas convocatorias para estadías, publicacións científicas e patentes. Esta iniciativa dirixida a fomentar a cooperación transfronteiriza en actividades de investigación e divulgación científica recibiu en 2022 máis de 300 candidaturas.

No que se refire á mobilidade xeográfica e á cooperación de proximidade, continuarase coa reclamación do Estatuto do Traballador Transfronteirizo. Insistirase ademais na mellora urxente das conexións ferroviarias, coa firme aposta polo tren de alta velocidade Vigo-Porto ante a falta de avances sobre esta liña nos últimos cumios ibéricos.

A maiores, en 2023 a Xunta vai reforzar a cooperación transfronteiriza entre as principais institucións de fronteira Galicia-Norte de Portugal, como as eurocidades e as outras AECTs, e coas confederacións empresariais e sindicais da Eurorrexión. Tamén se continuará colaborando con sectores puxantes, como a automoción, a aeromoción, a biotecnoloxía mariña ou as enerxías renovables.

As achegas culturais, a través do proxecto Nortear, e a promoción e difusión dos camiños portugueses a Santiago son outras das liñas estratéxicas na Eurorrexión para este exercicio, así como o turismo conxunto co obxectivo de conseguir a creación dun Clúster de Turismo Transfronteirizo.

Ademais das liñas de traballo para 2023, na sesión de hoxe analizouse a actividade do pasado ano, co peche dos proxectos do POCTEP 14-20. Entre eles figura o proxecto Facendo Caminho, co estudo do impacto económico das rutas xacobeas e as bases do Plan director dos camiños portugueses a Santiago como principais logros.
R.