Pasar al contenido principal

Preto de 50 empresas amosan interese en participar no proxecto para dotar o Polo Aeroespacial de Galicia dun simulador de xestión de tráfico aéreo

  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 2 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 3 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.term_data' doesn't exist query: SELECT t.tid, t.*, parent FROM web68db1.term_data t INNER JOIN web68db1.term_hierarchy h ON t.tid = h.tid WHERE t.vid = 0 ORDER BY weight, name in /home/www/web102/web/sites/nueva.escaparategallego.com/modules/hierarchical_select/modules/hs_taxonomy.module on line 803.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
A directora da Axencia Galega de Innovación (Gain), Patricia Argerey, presidiu hoxe a xornada técnica de presentación das instalacións e equipamentos do Centro de Investigación Aerotransportada de Rozas (CIAR) ás preto de 50 empresas que amosaron interese na consulta preliminar ao mercado promovida pola Xunta de Galicia e o Centro para o Desenvolvemento Tecnolóxico e Industrial (CDTI) que ten por obxecto dotar dun simulador de xestión de tráfico aéreo U-Space ao Polo Aeroespacial de Galicia.

A directora da Axencia Galega de Innovación (Gain) destacou que se trata dun dos “retos de futuro más importantes, nun dos ámbitos de traballo que vai xerar máis oportunidades e contribuír a aproveitar todo o potencial de desenvolvemento económico que teñen os vehículos non tripulados”.

O conselleiro de Economía, Emprego e Industria, Francisco Conde, anunciou o 24 de xaneiro na sede do CDTI o investimento de 5 millóns de euros neste proxecto, que dá continuidade ao Galician Skyway que desenvolve Boeing no Polo Aeroespacial de Galicia e que permitirá á Comunidade manterse na vangarda das solucións vinculadas aos vehículos aéreos non tripulados. As empresas poderán presentar as súas propostas para a Consulta Preliminar ao Mercado ata o 24 de febreiro.

Durante a xornada técnica de hoxe, expertos do Instituto Nacional de Técnica Aeroespacial (INTA), do CDTI e da Axencia Galega de Innovación deron a coñecer ás empresas as características deste reto tecnolóxico e explicaron o procedemento mediante o que se licitará a infraestrutura: a Compra Pública de Innovación, na que a comunidade galega é un referente a nivel estatal.

U-Space

O concepto U-Space refírese ao sistema de xestión de tráfico aéreo non tripulado impulsado pola Unión Europea para dar resposta aos novos paradigmas de transporte que xurdirán nas cidades nos próximos anos.

A mobilidade urbana eficiente e sostible ou a regulación dos miles de vehículos non tripulados civís a baixa altura que farán uso do espazo aéreo son algúns dos desafíos que este sistema terá que afrontar. O U-Space prevé o deseño dunha mobilidade aérea intelixente, baseándose en tecnoloxías de automatización, dixitalización e conectividade, e que terá como obxectivo último acadar a convivencia eficiente e segura dos vehículos aéreos non tripulados no mesmo espazo aéreo que as aeronaves convencionais con piloto. A Unión Europea contempla que este sistema integral estará implementado no horizonte do ano 2030.

O simulador de xestión do tráfico aéreo impulsado pola Xunta de Galicia permitirá dar un paso adiante no eido do U-Space, posibilitando ao Polo Aeroespacial de Galicia operar como infraestrutura de soporte ao desenvolvemento da tecnoloxía e do regulamento do sector dos vehículos aéreos non tripulados, a fin de ampliar o mercado de usos civís destes e acelerar a xeración de actividade económica e industrial do sector.
R.