Pasar al contenido principal

O Plan de Transporte Público de Galicia garante que o 97% da poboación galega teña unha parada a menos de 1.000 metros

  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 2 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 3 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.term_data' doesn't exist query: SELECT t.tid, t.*, parent FROM web68db1.term_data t INNER JOIN web68db1.term_hierarchy h ON t.tid = h.tid WHERE t.vid = 0 ORDER BY weight, name in /home/www/web102/web/sites/nueva.escaparategallego.com/modules/hierarchical_select/modules/hs_taxonomy.module on line 803.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
En canto este Plan estea en marcha na súa totalidade, o 97% da poboación de Galicia pasará a contar cunha parada de transporte público a menos de 1.000 metros do seu domicilio, estendéndose as vantaxes da Tarxeta Metropolitana e da Tarxeta Xente Nova, coa que os menores de 19 anos poderán viaxar gratis. Garantirase así un acceso igualitario ao transporte por estrada, calculándose os prezos en función da distancia máis curta entre orixe e destino, independentemente do percorrido nin os transbordos.

Transporte compartido e servizos baixo demanda

Dentro deste Plan, o transporte compartido e baixo demanda, que tanto éxito e beneficios tiveron para os cidadáns desde a súa introdución en 2017, continuarán a estenderse a toda a comunidade, para aumentar a cobertura nas zonas onde antes no chegaba o transporte público, especialmente no rural. Estas fórmulas acadan unha maior eficiencia e rendibilidade social, evitando a circulación de autobuses baleiros.

Polo sistema do transporte compartido, en determinadas rutas os veciños poden empregar as prazas baleiras do autobús que leva aos rapaces á escola, sempre cun servizo de acompañante para os alumnos. E cos servizos baixo demanda dáse resposta ao elevado nivel de dispersión e envellecemento da poboación galega, adaptándose o transporte ás necesidades dos usuarios, tanto en tempos de percorrido como en cobertura territorial. Os interesados en utilizar este sistema só deben chamar ao teléfono 988 68 78 00, facendo a súa reserva antes das 20,00 horas do día laborable anterior a aquel no que se desexe viaxar. Ademais, a través da páxina web www.bus.gal tamén poderán consultar os horarios e servizos de transporte baixo demanda.

Participación no Plan

Nesta segunda fase do Plan, a Xunta ten realizado xa unha primeira etapa de participación pública pública para elaborar os mapas de liñas tras centos de enquisas a usuarios e entrevistas individuais cos concellos, efectuándose así mesmo xuntanzas concello a concello para coñecer as súas demandas particulares, escoitando as solicitudes dos concellos en materia de transporte público co fin de atendelas e proporcionarlles aos cidadáns uns servizos eficaces que melloren as súas comunicacións e polo tanto a súa calidade de vida.

Manterase o Emprego

Por último, cabe reseñar que o Plan de transporte público de Galicia blinda a creación e consolidación dos postos de traballo, tal e como xa efectuou na primeira fase. Deste xeito, garantízase a subrogación de todos os traballadores que están prestando os servizos, garantindo a continuidade dos seus empregos, tanto dos condutores como dos acompañantes escolares dos autobuses compartidos. As cláusulas sociais da totalidade do Plan de transporte público permitirán dar continuidade a máis de 3.000 postos de traballo, entre condutores e acompañantes.
Axéitase esta Plan ás características do tecido empresarial galego do sector, formado en gran parte por pequenas e medianas empresas, polo que os contratos de transporte están dimensionados para que poidan acceder a eles, en solitario ou en UTE, empresas de pequeno e mediano tamaño, garantindo así o emprego.
R.