Pasar al contenido principal

A IX Feira do Viño de Monterrei potencia o enoturismo e a cultura do viño de calidade en Galicia

  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 2 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 3 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.term_data' doesn't exist query: SELECT t.tid, t.*, parent FROM web68db1.term_data t INNER JOIN web68db1.term_hierarchy h ON t.tid = h.tid WHERE t.vid = 0 ORDER BY weight, name in /home/www/web102/web/sites/nueva.escaparategallego.com/modules/hierarchical_select/modules/hs_taxonomy.module on line 803.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
O presidente da Deputación de Ourense, Manuel Baltar; o alcalde de Verín, Juan Jiménez Morán, e o presidente do Consello Regulador da Denominación de Orixe Monterrei, Antonio Ángel Méndez Atanes, presentaron no Centro Cultural “Marcos Valcárcel” a IX Feira do Viño de Monterrei, un evento que se celebrará en Verín do 8 ao 10 de agosto e que converterá estes días á vila verinesa e á comarca de Monterrei “no gran escaparate dos viños desta denominación de orixe”, segundo afirmou o presidente provincial, engadindo que este evento “potencia a calidade e incrementa a promoción destes caldos grazas ao traballo que están a realizar o consello regulador, os adegueiros, os viticultores e o Concello de Verín coa difusión desta feira”.

Pola súa banda, Juan Jiménez dixo que a feira “pretende conxugar gastronomía, música e viño, nun evento que ten como obxectivo promover o desenvolvemento social e a cultura do viño, así como actividades deportivas e de enoturismo para fomentar o achegamento de visitantes e impulsar a imaxe da nosa comarca”. Antonio Ángel Méndez explicou que a D.O. Monterrei está a ter unha importante proxección nacional e internacional así como destacados recoñecementos, tanto en viños brancos como tintos. Detallou que o 15 % da produción expórtase ao exterior, concretamente a 22 países.

Na feira participan dez adegas e tamén dez restaurantes, que ofrecerán menús especiais durante estes días. Ademais, o programa, que se desenvolverá na Praza da Mercé, inclúe o acto de inauguración que terá lugar o día 8 de agosto, ás 20.00 horas, coa presenza do presidente da Xunta de Galicia, e o acto de imposición das medallas “Confraría dos Viños de Monterrei”, que se celebrará na Igrexa dos Mercedarios, unha distinción que se outorga a persoeiros que, polo seu labor, teñen contribuído ao impulso desta denominación de orixe. O programa complétase con actividades lúdicas e musicais, degustacións e xornadas enogastronómicas con propostas especiais en establecementos hostaleiros colaboradores.
Gabinete de Comunicación da Deputación Provincial de Ourense