O INEGA pon en marcha unha planta piloto de cultivo de microalgas que poidan ser usadas como combustible
A instalación desta planta piloto, que conta cun volume de 160 metros cúbicos, permitirá estudar a viabilidade técnica, económica e ambiental da obtención de biocombustibles, ao mesmo tempo que se depuran augas residuais. A iniciativa encádrase dentro do proxecto europeo EnerBioAlgae e pode supoñer un importante avance tanto enerxético como ambiental, xa que facilitará, dunha parte, a redución da carga contaminante que chega ao medio ambiente grazas ao emprego de augas residuais e gases de combustión para o cultivo de microalgas, e, por outro, permitirá empregar este cultivo para a produción de biodiésel.
As microalgas son un organismo crucial non só producindo combustibles de orixe renovable como o biodiésel –que é biodegradable e non provoca efecto invernadoiro-, senón tamén, durante o seu crecemento, absorbendo grandes cantidades de dióxido de carbono proveniente dos gases industriais das instalacións existentes nas proximidades das zonas onde se cultiven.
Para o desenvolvemento do proxecto traballouse, nun primeiro momento, na selección dunha cepa de alga que tivese un crecemento rápido e contase cun contido elevado de aceites útiles para a produción de biodiésel. Dita cepa, da especie de microalga chlorella vulgaris, localizouse na EDAR de Gondomar (Pontevedra). A continuación, o Inega buscou o emprazamento máis adecuado para a instalación da planta piloto, atendendo a unha serie de condicionantes que afectan ao crecemento das microalgas como o dióxido de carbono, a radiación solar, a temperatura ambiente ou o pH e a composición das augas, concluíndo que a mellor ubicación posible era a EDAR de Guillarei.
Unha vez remata a construción da planta piloto, o Inega, durante este segundo semestre do ano, pretende demostrar a viabilidade técnica das tecnoloxías desenvolvidas a escala piloto e en condicións reais de operación, así como avaliar a súa viabilidade técnica e económica. Para elo, o proxecto se apoiará nos resultados obtidos por todos os socios ao longo do mesmo.
O Inega participa neste proxecto de cooperación transfronteiriza EberBioAlgae xunto ás universidades de Vigo e Almería, a portuguesa de Aveiro, e a francesa de Pau et Pays de l´Adour, ademais do Centro Nacional de Investigación Científica francés (CNRS). O proxecto, cofinanciado pola Unión Europea con fondos FEDER a través do Programa de Cooperación Territorial do Espazo Sudoeste Europeo, ten como obxectivo avanzar no emprego de microalgas como fonte de enerxía, xa sexa a través da biomasa ou mediante a conversión en biocombustibles.
As microalgas son un organismo crucial non só producindo combustibles de orixe renovable como o biodiésel –que é biodegradable e non provoca efecto invernadoiro-, senón tamén, durante o seu crecemento, absorbendo grandes cantidades de dióxido de carbono proveniente dos gases industriais das instalacións existentes nas proximidades das zonas onde se cultiven.
Para o desenvolvemento do proxecto traballouse, nun primeiro momento, na selección dunha cepa de alga que tivese un crecemento rápido e contase cun contido elevado de aceites útiles para a produción de biodiésel. Dita cepa, da especie de microalga chlorella vulgaris, localizouse na EDAR de Gondomar (Pontevedra). A continuación, o Inega buscou o emprazamento máis adecuado para a instalación da planta piloto, atendendo a unha serie de condicionantes que afectan ao crecemento das microalgas como o dióxido de carbono, a radiación solar, a temperatura ambiente ou o pH e a composición das augas, concluíndo que a mellor ubicación posible era a EDAR de Guillarei.
Unha vez remata a construción da planta piloto, o Inega, durante este segundo semestre do ano, pretende demostrar a viabilidade técnica das tecnoloxías desenvolvidas a escala piloto e en condicións reais de operación, así como avaliar a súa viabilidade técnica e económica. Para elo, o proxecto se apoiará nos resultados obtidos por todos os socios ao longo do mesmo.
O Inega participa neste proxecto de cooperación transfronteiriza EberBioAlgae xunto ás universidades de Vigo e Almería, a portuguesa de Aveiro, e a francesa de Pau et Pays de l´Adour, ademais do Centro Nacional de Investigación Científica francés (CNRS). O proxecto, cofinanciado pola Unión Europea con fondos FEDER a través do Programa de Cooperación Territorial do Espazo Sudoeste Europeo, ten como obxectivo avanzar no emprego de microalgas como fonte de enerxía, xa sexa a través da biomasa ou mediante a conversión en biocombustibles.
Gabinete de Comunicación da Consellería de Economía e Industria