Convocado un concurso para promocionar a marca Artesanía de Galicia
A Fundación Centro Galego da Artesanía e do Deseño –dependente da Consellaría de Innovación e Industria– abre un concurso por procedemento aberto para divulgar a imaxe da marca Artesanía de Galicia nos locais comerciais de todo o país. Tal e como se anuncia no Diario Oficial de Galicia do martes 22 de abril, os interesados en presentar ofertas teñen de prazo ata o 7 de maio e poderán consultar os pregos de prescricións técnicas e condicións administrativas na páxina web www.artesaniadegalicia.org.
O traballo será realizado por catro persoas que se distribuirán estratexicamente en cada unha das provincias galegas para percorrer os puntos de venda de obxectos de agasallo, decoración, deseño, etc. que xa usen ou que poidan usar no futuro a marca Artesanía de Galicia, e dos cales elaborarán un rexistro. Os adxudicatarios deberán realizar unha tarefa de asesoramento a estes establecementos sobre o cumprimento da normativa para o uso e control tanto da marca coma do material de promoción, ao tempo que deberán detectar os malos usos que se estean a realizar. O servizo completarase cun seguimento mensual e cun asesoramento telefónico con posterioridade ás visitas realizadas. O orzamento dispoñible para a realización destes traballos –que se desenvolverán entre o 1 de xuño e o 30 de novembro de 2008– será de 40.000 euros.
O traballo será realizado por catro persoas que se distribuirán estratexicamente en cada unha das provincias galegas para percorrer os puntos de venda de obxectos de agasallo, decoración, deseño, etc. que xa usen ou que poidan usar no futuro a marca Artesanía de Galicia, e dos cales elaborarán un rexistro. Os adxudicatarios deberán realizar unha tarefa de asesoramento a estes establecementos sobre o cumprimento da normativa para o uso e control tanto da marca coma do material de promoción, ao tempo que deberán detectar os malos usos que se estean a realizar. O servizo completarase cun seguimento mensual e cun asesoramento telefónico con posterioridade ás visitas realizadas. O orzamento dispoñible para a realización destes traballos –que se desenvolverán entre o 1 de xuño e o 30 de novembro de 2008– será de 40.000 euros.
Gabinete de Comunicación da Consellería de Innovación e Industria da Xunta de Galicia