Pasar al contenido principal

Pesca promociona en Madrid os produtos da baixura galega e as conservas

  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 2 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 3 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.term_data' doesn't exist query: SELECT t.tid, t.*, parent FROM web68db1.term_data t INNER JOIN web68db1.term_hierarchy h ON t.tid = h.tid WHERE t.vid = 0 ORDER BY weight, name in /home/www/web102/web/sites/nueva.escaparategallego.com/modules/hierarchical_select/modules/hs_taxonomy.module on line 803.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
A Consellería de Pesca e Asuntos Marítimos, presente na XXII edición do Salón Internacional do Club de Gourmets que se celebra en Madrid, organizou unha exhibición culinaria e posterior degustación de pratos elaborados con recursos pesqueiros procedentes da pesca de baixura galega e amparados pola marca de calidade “PescadeRías, de onde se non?”.

As especialidades que se puideron probar no stand de Pesca foron elaboradas pola cociñeira galega, Beatriz Sotelo Sequeiros, membro do grupo gastronómico NOVE e gañadora do concurso “Cociñeiro do ano 2006-2008” entregado na feira Alimentaria 2008 de Barcelona. Entre os pratos que os visitantes puideron degustar destacan as ameixas ao natural con espuma de lima e filantro, a empanada caseira de xoubas, o polbo con pataca e pimentón, o abadexo en escabeche branco con fresas e mazás, a zamburiña con vinagreta ou o sashimi de robaliza con limón e xerminados frescos.

O stand da Consellería de Pesca e Asuntos Marítimos tamén acolleu unha degustación de conservas de alta calidade coas que Beatriz Sotelo elaborou diferentes pratos entre os que destacaron a crema de hinojo con ameixas, arroz cremoso con polbo, royal de ourizos con pan de broa ou navallas con xeado de limón. O obxectivo desta acción foi dar a coñecer os produtos enlatados como unha excelente materia prima para a elaboración de pratos exquisitos.

Pesca consolida a súa presencia no Salón Gourmets

O departamento de Pesca participa este ano no Salón Internacional do Club de Gourmets de Madrid cun stand de 300 metros cadrados, situado no Pavillón de Cristal, acollendo a un total de 15 empresas e asociacións galegas como coexpositoras. A maior parte destas firmas galegas están vencelladas ao ámbito dos produtos delicatessen e ás conservas de alta gama. Entre as empresas e asociacións representadas destacan: Amegrove, Anfaco, Atrugal, Conservas Antonio Pérez Lafuente, Conservas de Cambados, Conservas y Ahumados Lou, Conservera Gallega, Divimar Arousa, Industrias Cerdeimar, Justo López Valcarcel, Pesciro, Portomuiños, Puerto de Celeiro, Ramón Franco e Real Conservera Española.

No ano 2007, a Consellería de Pesca e Asuntos Marítimos asistiu ao Salón Gourmet acompañando á Consellería do Medio Rural, xa que esta era unha feira na que Pesca nunca participara con anterioridade. Non entanto, e dada a importancia da mostra para o sector das conservas de grande calidade, o departamento que dirixe Carmen Gallego optou este ano por consolidar a súa presenza con instalacións propias.
Gabinete de Comunicación da Consellería de Pesca e Asuntos Marítimos da Xunta de Galicia