A Consellería de Economía profundiza nas posibilidades de internacionalización das empresas galegas

O conselleiro de Economía e Facenda, José Ramón Fernández Antonio, recibiu no seu despacho ao Primeiro Secretario para Asuntos de Ciencias, Tecnoloxía, Medio Ambiente e Saúde da Embaixada de Estados Unidos en España, Kenneth Forder. A situación actual da economía galega e as perspectivas de crecemento nos próximos anos foron tratados no encontro no que tamén participou o director xeral do Igape, José Antonio Delgado Arce.

Entre os temas analizados na reunión, a reorientación na utilización dos fondos estruturais da Unión Europea no periodo 2007-2013 foi obxeto de especial interese por parte do representante da Embaixada dos EE UU; quen tamén quixo coñecer a estratexia da nova política económica en materia de formación do capital humano e impulso do capital tecnolóxico. O repaso aos obxectivos da Xunta no ámbito empresarial permitiu ao conselleiro trasladar ó Primeiro Secretario estadounidense o que é unha das prioridades do modelo de crecemento do Goberno galego: o impulso da internacionalización das empresas galegas tanto no terreo do comercio exterior, como no da captación de investimentos. Neste sentido, Fernández Antonio destacou a boa evolución das exportacións galegas no último ano e expuso algunhas das medidas orientadas á captación de investimentos que xa se puxeron en marcha a través do Igape e Xesgalicia.

O representante norteamericano amosou interese polas oportunidades que brinda Galicia para potenciales investidores do seu país, á vez que sinalou á súa predisposición a establecer posibles liñas de colaboración en distintas áreas de interese mútuo.