Pasar al contenido principal

A UDC participa nun proxecto europeo a grande escala sobre eficiencia enerxética

  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 2 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 3 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.term_data' doesn't exist query: SELECT t.tid, t.*, parent FROM web68db1.term_data t INNER JOIN web68db1.term_hierarchy h ON t.tid = h.tid WHERE t.vid = 0 ORDER BY weight, name in /home/www/web102/web/sites/nueva.escaparategallego.com/modules/hierarchical_select/modules/hs_taxonomy.module on line 803.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
O co-deseño e pilotaxe dun plan de estudos en eficiencia enerxética para as titulacións de grao e de máster, xunto coa creación dunha serie de Laboratorios de Enerxía e de Redes Ecolóxicas, son os dous piares básicos nos que se sustenta o 3E-Partnership, un Proxecto Europeo Erasmus+ que terá un impacto nas institucións, nas persoas, no estudantado e no persoal académico implicado mellorando o acceso ás infraestruturas, aos coñecementos e aos recursos máis actualizados no eido da eficiencia enerxética.

A Business and Technology University de Xeorxia coordina unha iniciativa de innovación docente na que tamén participan a Katholieke Universiteit Leuven de Bélxica, a Politecnico di Milano de Italia e a Universidade da Coruña de España. A maiores, integran este grupo de traballo a grande escala a Georgian Technical University, a Iakob Gogebashvili Telavi State University e a Energy Efficiency Centre Georgia, ambas as tres situadas en Xeorxia; a Donetsk National Technical University e a Ukrainian State University of Science and Technology, de Ucraína; xunto coa ADA University e a Khazar University emprazadas en Azerbaidján. Por último, cómpre sinalar o papel da Georgian National Energy and Water Supply Regulatory Commission como entidade asociada.

O Proxecto Europeo Erasmus+ European Energy Efficiency towards Mutually Reinforcing Partnership with Georgia, Azerbaijan and Ukraine (3E-Partnership) conta cun orzamento total de 728.234 euros. A Universidade da Coruña dispón de 74.651 euros para levar a súa parte do proxecto centrado en co-crear coñecemento no eido da eficiencia enerxética grazas ao traballo do profesorado da Escola Politécnica de Enxeñaría de Ferrol (EPEF) e da Facultade de Economía e Empresa do Campus da Coruña.

Reunión de traballo presencial no Campus Industrial de Ferrol

O Salón de Actos Concepción Arenal do Campus Industrial de Ferrol acolle, este mércores 6 e xoves 7 de novembro, unha das reunións de traballo presenciais do Proxecto Europeo Erasmus+ European Energy Efficiency towards Mutually Reinforcing Partnership with Georgia, Azerbaijan and Ukraine (3E-Partnership). A vicerreitora do Campus de Ferrol e Responsabilidade Social, Ana Ares, e o director do Campus Industrial da Universidade da Coruña, Marcos Míguez, recibiron esta mañá aos preto de 40 representantes das universidades e institucións participantes que nestas dúas xornadas analizarán os avances realizados no marco desta iniciativa de innovación docente. A maiores, o programa da xornada inclúe tamén a visita ao Centro de Investigación en Tecnoloxías Navais e Industriais (CITENI), situado no propio Campus Industrial de Ferrol, ás instalacións de Navantia Seanergies en Fene e ao Instituto Tecnolóxico de Galicia (TG), emprazado na Coruña.
Universidade da Coruña (UDC)