Pasar al contenido principal

Un equipo do CiQUS e do CSIC desenvolve un novo tipo de axente contra o cancro

  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 2 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.vocabulary' doesn't exist query: SELECT v.*, n.type FROM web68db1.vocabulary v LEFT JOIN vocabulary_node_types n ON v.vid = n.vid WHERE v.vid = 3 in /home/www/web64/web/modules/taxonomy/taxonomy.module on line 1056.
  • user warning: Table 'web68db1.term_data' doesn't exist query: SELECT t.tid, t.*, parent FROM web68db1.term_data t INNER JOIN web68db1.term_hierarchy h ON t.tid = h.tid WHERE t.vid = 0 ORDER BY weight, name in /home/www/web102/web/sites/nueva.escaparategallego.com/modules/hierarchical_select/modules/hs_taxonomy.module on line 803.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
  • user warning: Table 'web68db1.term_data' doesn't exist query: SELECT * FROM web68db1.term_data WHERE tid = 432 in /home/www/web64/web/modules/taxonomy/taxonomy.module on line 1091.
Agora, unha colaboración entre o Centro Singular de Investigación en Química Biolóxica e Materiais Moleculares da USC (CiQUS) e do Instituto de Investigacións Biomédicas Sols-Morreale (IIBM CSIC-UAM) permitiu descubrir un tipo de compostos químicos que actúan sobre as células nai de cancro, diminuíndo o seu potencial para xerar tumores. O equipo está liderado polo profesor da USC José Luis Mascareñas xunto a biólogos celulares do CSIC coordinados por Bruno Sainz.

Dende hai uns anos, o laboratorio do profesor Mascareñas desenvolve investigación básica arredor de determinadas moléculas baseadas en complexos metálicos que son capaces de interaccionar de forma moi selectiva con ADN. Estes achados permitiron ao grupo do doutor Sainz realizar estudos máis extensos con ratos implantados con tumores de pacientes, que demostran un potente efecto antitumoral destes complexos. Os científicos conseguiron demostrar efectos anticáncer en tumores de páncreas, colorrectais e osteosarcoma, con pouca toxicidade secundaria. Actualmente estanse levando a cabo estudos sobre outros tipos de cancro.

Talón de Aquiles

As células nai de cancro dependen da respiración mitocondrial para sobrevivir e evadir as defensas do sistema inmune, o que —a nivel metabólico— representa un talón de Aquiles. Estudos mecanísticos levados a cabo nesta ocasión suxiren que o novo composto, denominado Ru1, “promove un descenso na expresión de xenes necesarios para a devandita respiración, fonte de enerxía principal destas células, co que perden o seu potencial canceríxeno”, relatan dende o equipo investigador.

O grupo do doutor Sainz demostrou ademais que é posible realizar terapias combinadas con outros axentes antitumorais, co que se conseguen efectos aditivos. Os resultados preliminares do traballo científico, que tamén inclúe contribucións do grupo ACUIGEN da USC, acaban de ver a luz no Journal of Experimental & Clinical Cancer Research. Todo estes estudos puideron realizarse grazas ao apoio de diferentes entidades, incluíndo o programa Ignicia da Xunta de Galicia, a Asociación Española Contra o Cancro ou o programa CaixaImpulse da Fundación "la Caixa". O proxecto atópase nestes momentos nunha fase avanzada para a súa transferencia e valorización preclínica.
Universidade de Santiago de Compostela (USC)