A UVigo acolle o congreso Students, Women in engineering & Young Professionals

En calquera caso, os enlaces dos relatorios iranse publicando en redes sociais, polo que contamos que haberá asistentes que non cubriron o formulario de inscrición”, explica Juan Abia, presidente da rama de estudantes do IEEE da UVigo.

Durante os cinco días que dura o congreso sucederanse conferencias, obradoiros e actividades de ocio, que permitirán ás persoas asistentes, achegarse a cuestións de plena actualidade a través de relatorios, como o titulado Predición dinámica da covid-19 ou Bitcoin, blockchain e o sistema descentralizado. “Ademais intentamos substituír as veladas de ocio nocturno que se realizaban de xeito presencial outros anos, por un formato remoto onde pensamos facer xogos para poder coñecernos mellor”, detalla Abia.

Unha gran carga de traballo moi gratificante

Destinado ás 16 ramas de estudantes, o SWYP é un congreso organizado por unha rama de estudantes dunha universidade española e as súas siglas responden ao seu obxectivo principal que é o de reunir persoas deses tres grupos: estudantes, mulleres e profesionais novos. “Non obstante, este ano ao ser en formato en liña, desde a rama de estudantes do IEEE da UVigo decidimos abrir o congreso á nosa universidade, tanto a docentes como alumnado, ademais de ás ramas de estudantes”, sinala Juan Abia, que recoñece a gran carga de traballo que para o equipo organizador supuxo poñer en marcha esta iniciativa. “Non obstante, ao mesmo tempo é moi gratificante porque estamos en contacto con moitos profesionais do sector empresarial e académico que están preparando actividades moi interesantes”, explica o presidente da rama de estudantes do IEEE da UVigo.

A apertura do congreso terá lugar mañá mércores ás 17.00 horas coas intervencións de Jesús Fraile Ardanuy, past-president da sección española do IEEE; Alfonso Lago, docente e investigador da UVigo e counselor da rama e Juan Abia. Power electronics no sector da automoción e o seu modelo en V; Introdución ás metodoloxías áxiles e scrum; Multitarea en enxeñaría ou 5G: o papel da virtualización en novas redes de comunicación móbil, son algunhas das ponencias que se presentarán no congreso, que se poderá seguir a través da canle de Discord da rama de estudantes do IEEE da UVigo e de Campus Remoto.